電視回顧
TVB之電視風雲
- 真係好睇過師奶劇,一時傳TVB唔掂要陳志雲返去復職,點知第二日陳志雲就被老廉正式落charge!!
- 無線涉反競爭行為被查!其實都唔駛查啦!CCTVB為左一兩點收視率乜都做得出!淨係d歌手系其他電視台仲要講國語就已經係証據啦!
- CCTVB根本就好係一間香港好typical既無良大公司,90%員工都係cheap labor,就算年年賺幾十億都嫌賺唔夠要縮皮炒人,同藝員分佣又要分大份!難怪好多系TVB紅左出黎既都唔再賣TVB賬!
電影回顧
殺人犯
- 4個字:果然吹漲!
- 個細路要演個咁既角色,佢阿媽真係唔驚會影嚮佢心智,大個左會有問題嗎?
- 前半是懸疑片,後半竟變成笑片!
- "人鬼情未了"香港版.
- d新人既演技唔係好得,尤其係詩雅,如果演得好既話可以好催淚,只係佢始終感動唔到我.
- 套戲d劇情其實ok,冇乜悶場,只係埋唔到尾.
音樂回顧
今個禮拜冇聽CD.睇返舊年叱咤頒獎禮,忽然諗:究竟2009紅左邊d廣東歌?可能淨係得"如果我是陳奕迅","給自己的信","七百年後",同鄭秀文福音碟入面d歌.其實王菀之同周博賢舊年d歌真係好掂,點解hit唔起?唔通係d DJ差左,淨係電台收左唱片公司錢,淨係會狂谷某幾首or某幾個歌手d歌?冇俾錢就可以成間唱片公司都封殺埋??所以樂壇唔掂唔好淨係賴非法下載喇,傳媒只會播俾左錢既歌,d好野根本reach唔到普羅大眾!
No comments:
Post a Comment